Lumayo siya ng ilang hakbang mula sa asawa. Marami silang dapat pag-usapan pero hindi niya alam kung saan magsisimula. Gusto sana niyang simulan sa tanong kung ano ang ginagawa ni Patricia sa kompanya ng asawa at bakit ito nagtatrabaho bilang sekretarya nito.
"Ano bang pag-uusapan natin?" walang emosyong tanong nito at kinuha ang envelope na pinadala ng Mama nito. Sinilip ang loob at pagkatapos ay inihagis sa mesa.
"About, about," hindi niya magawang magsalita. Alin ba dapat ang una nilang pag-usapan?
"About what, Hainna?" may iritasyong tanong nito at tiningnan ang dala niyang pagkain. Ngumuso lang ito at tinabi ang paper bag. Liningon siya ng asawa at lumakad sa may gilid ng mesa, paharap sa kinatatayuan niya. Sumandal ito sa mesa at bahagyang naupo habang nakatingin sa kanya, hinihin
