Bumuga ako ng hangin habang patuloy ako sa pagbabasa ng document. Nasa condo ako at hindi na ako pumasok pa dahil alam kong hindi naman ako makakapag-focus.
Sinabihan ko na lamang ang secretary ko na magpunta rito sa aking condo at dalhin ang mga document na kailangan kong pirmahan.
Mabuti na lamang at mabilis naman niyang ginawa ang aking ipinag-utos. Kaya naman kahit papaano mababawasan ko na ang trabaho ko sa office pero hindi naman ako makapag-focus nang maayos.
Bukod sa nandito na naman si David sa condo ko, nag-aalala pa rin ako kay Lance kahit na ilang beses na akong pinapakalma nina David.
Sila na raw ang bahala pero paano ako kakalma kung isa sa kaibigan ko ay nasasaktan at nagdudusa?
“Stop working if can’t focus,” sambit ni David. “Ilang beses ka nang bumubuntong-hininga.”
