PAGKASARA ng pinto ay sumandal sa likod niyon si Yanah. Doon niya pinakawalan ang inis. Dumating si Sir Li, pero hindi niya maipakitang may tampo siya rito. Kaya pilit na lang niya itong iniwasan kanina.
At hindi niya maintindihan ang nararamdaman niya. Mabilis na naman ang sasal sa dibdib niya. Deep inside, masaya naman siya na nakita ito -- na umuwi pa ito kahit medyo may kalaliman na ang gabi.
Pero saan nga ba talaga siya galing? Bakit ngayon lang siya umuwi? Ni ha, ni ho, wala siyang narinig na sinabi nito. Hindi kusang nagpaliwanag. Tatanungin niya ba? Huwag! Lumapit na lang siya sa kama at pasalampak na nahiga.
Mga ilang minuto rin siyang tulala sa kisame at blangko ang pag-iisip nang gambalain ng biglang pag-ilaw at pagtunog ng kaniyang cellphone. T-Tumatawag sa kaniya si Sir
