"BYE, Sir Li! Bye, Yanah!" paalam ni Melissa bago ito bumaba ng sasakyan. Inihatid nila ito ni Sir Li hanggang sa kanto ng inuupahan nito. Nakangiting kumaway si Yanah bago ito tuluyang pumasok sa may kanto.
Pagkatakbong muli ng sasakyan ay sandaling namayani ang katahimikan. Hindi alam ni Yanah kung paano sisimulan ang conversation nila ni Sir Li kaya nagsumiksik na lang siya sa gilid ng upuan. Nakapagpasalamat na naman siya rito. Silang dalawa ni Melissa. Pero hindi niya alam kung bakit tila hindi pa rin siya mapakali.
Medyo naiinis kasi siya dahil panay ang sabi ni SIr Li kanina na baka lalong ma-inlove sa kaniya ang 'manliligaw' niya. Hindi niya alam kung sinasakyan lang ba nito ang alibi na sinabi niya kay Melissa o talagang nagpapasaring ito sa kaniya. Pero alam naman nito na hind
