"CAN you do it?" seryosong tanong ni Stanli sa bakla.
Hinawakan muna ng bakla ang buhok ni Yanah at sinipat ang mga hibla niyon. Pagkuwa'y napangisi ito. "Definitely, Sir. Kayang-kaya 'to. Nga lang, it will take a lot of time and effort. Kailangan matagal na ibabad ang gamot sa kaniyang buhok. But I assure you, mapapaganda 'to."
Hindi pa rin makapaniwala si Yanah. Nakaupo siya sa harap ng salamin habang sabog-sabog ang kaniyang kulot-kulot na buhok. Lalo siyang naging bruha sa ayos niyang iyon.
Doon pala siya dadalhin ni Sir Li. Sa isang salon. Isinama nila si Melissa na noo'y nasa tabi lang niya at balak ding ilibre ni Sir Li ng rebond. Rebond --- ii-straight daw ang kanilang buhok.
Pero duda pa rin siya sa sinabi ng bakla. Talaga ba na kaya pang unatin ang buhok niya. Para iyong kin
