BIGLANG napabalikwas ng bangon si Yanah nang tumama sa kaniyang mukha ang sinag ng araw. Pagsilip niya sa orasan ay ganap nang alas-otso ng umaga. Nasa silid siya ni Stanli. Mula nang malaman nila na nagdadalang-tao siya ay doon na siya nito regular na pinatutulog. Inilipat na rin nito sa silid na 'yon ang lahat ng damit at mga gamit niya.
Isang linggo na rin ang lumipas mula nang mangyari iyon. Pagkauwi nila ni Stanli galing ospital ay ipinaliwanag lahat ng fiance niya kay Melissa ang kalagayan niya. Siguro alam nito na nagdadalawang-isip siya na magsabi sa huli kaya ito na ang nagsabi sa katulong. Ayaw na ni Stanli na gagawa pa siya ng kahit na anong gawaing bahay doon. Kukuha na lang daw ito ng panibagong katulong mula sa agency na sinasabi nito para may katuwang si Melissa. Alagaan d
