"T-TALAGA po? Happy birthday po, Sir Li," bati ni Yanah rito. Pero hindi niya maiwasang palihim na magtaka. Kung talagang kaarawan nito, bakit hindi ito nagpa-party tulad ni Sir Rave? Parang hindi nito iyon pinaghandaan. Birthday nito pero doon lang ito sa pool, iinom at kakain ng kapirasong cake?
"Thank you, Yanah." Ngumiti nang matamis si Sir Li at bumilis na naman ang t***k ng puso niya. "Hindi talaga ako nagse-celebrate ng birthday. Pambata lang 'yon. Lilipas din naman 'yon pagkatapos ng isang araw."
Ngayon alam na niya. Pero siya, gustong-gusto niyang mag-celebrate ng birthday niya. Kahit minsan kasi, hindi niya naranasang ipaghanda ng mga magulang niya. Kapag espesyal na araw niya ay parang wala lang sa mga ito, lalo na sa kaniyang nanay. Ni minsan, hindi rin niya naranasang ibili
