SERYOSO lamang si Beast na nakaupo sa couch nina Kai habang naglalaro doon. Nakakailang matches na rin sila ni Kai at ilang laro na rin ang nilaro nila sa Play Station nito pero parang hindi pa rin siya nagsasawa. Nang muling matapos ang laro nila at nanalo na naman si Beast ay nakabusangot na ibinaba ni Kai ang controller sa tabi ng inuupuan niya.
"Ayoko na nga! Nakakainis naman! Parang others itong laruan na ito. Bakit ikaw ang palaging nananalo, e, ako ang may ari diyan? Ang daya naman, e!" reklamo pa nito saka inabot ang canned beer na nasa center table at inisang subo ang isang slice ng pizza. Pinagkasya nito iyon sa bibig at nakabusangot pa rin na nginuya-nguya iyon.
Natawa naman si Beast at napailing-iling sa sinabi ng kaibigan at pati na rin sa hitsura nito. Para kasi itong bata
