KASALUKUYANG nagmamaneho si Beast pauwi sa kaniyang unit. Galing siya sa isang biglaang business meeting kasama ang mga potential investors ng company nila. Naka-leave pa rin siya sa araw na iyon pero wala siyang ibang magawa kundi sumipot sa meeting dahil karamihan sa mga investors ay siya ang gustong makaharap. Ilang oras lang naman ang naganap na meeting at successful naman iyon dahil lahat sila ay nagustuhan ang kaniyang presentation at nagdesisyong mag-invest na sa kanilang kumpanya.
Mag-a-alas dose na ng tanghali at sobrang taas na rin ng sikat ng araw. Mabuti na lamang at may aircon sa loob ng sasakyan kaya hindi naman siya apektado noon. Iyon nga lang, dahil busy hour na rin kasi lunch break na ng ilan ay matindi ang traffic sa pagkakataong iyon. Imbes tuloy na kalahating oras lam
