Kabanata 21
"SA inyo po ba ang magarang sasakyan sa labas?" tanong ng batang lalaking lumapit sa akin. Kitang-kita ang excitement sa mga mata nito na naghihintay na marinig ang sagot ko.
"Oo." Inilabas ko mula sa dalang malaking bag ang mga pinamiling laruan ng temporary secretary ko at agad na inabot 'yon sa batang lumapit.
Lumubo lalo ang pisngi nito sa tuwa nang tanggapin 'yon at mahigpit na niyakap.
"Thank you po!" Ngiting-ngiting nitong pasasalamat at nagmamadali ng tumakbo palayo.
Sumunod naman ang isang batang babae na mamula-mula pa ang pisngi. Panaka-naka rin ang sulyap sa hawak kong kulay pink na teddy bear.
I carefully walked towards the child and held her hands. "Hi, do you like teddy bears?" I asked while smiling.
Marahang tumango naman ito.
"Me too," sang-ayon ko s
