Kabanata 37
Mikhail
"WHY aren't you working inside?" tanong ng nagngangalang Meagan.
Kasalukuyang yakap ang mga binti habang nakahilig naman ang ulo sa mga tuhod nang marinig kong humagikgik siya.
"I've heard you talk earlier," aniya nang ibaling ang mukha sa direksyon ko marahil naghihintay ng magiging sagot ko.
Mamula-mula ang magkabilang pisngi niya at nagsisimula na ring dalawin ng antok. Dahil sa kanya ay naudlot ang balak kong paninigarilyo sa bahaging likod ng bar. Wala rin akong ideya kung ano'ng ginagawa niya roon, pero ang maganda kong gawin ay tulungan na lamang siyang makabalik sa mga kasama at mukhang marami na rin siyang nainom na alak.
Sandaling pumasok ako sa loob ng bar upang silipin ang kaninang mga kasama niya, nang makitang wala na ang mga taong naroon.
"Nakita
