Kabanata 68
Daniel
MALALIM na bumuntong-hininga ako. Ginulo muna ang buhok ay marahas na isinandal ko ang likod sa upuan. Doon lang din ako tuluyang dinalaw ng antok. Ngunit nang mahagip ang orasan na nakasabit sa dingding ay muli ko ring ibinalik ang atensyon sa harap ng computer ko.
Sandaling sinuri kong maigi ang huling isinulat na article. Nang makontento ay pinindot ko rin agad ang confirm sa screen. Ilang sandali lamang ay napaskil din agad 'yon sa site ng Kings Publishing, mabuti na lamang at may iba pa rin akong dating katrabaho na napakiusapan na pahiramin muna ako ng access. After leaving my previous company, I lost almost all of my connection. Pero swerte na rin na may iba akong katrabaho na madaling nadaan sa pera.
Batid kong napakalaking risk ng bagay na ginagawa ko subali
