Kabanata 29
"MAUNA na kami sa inyo," rinig kong paalam ni Mikhail kay Oliver.
"Sige, mag-iingat kayo. I-text mo na lang ako kapag nagkaproblema, mukhang marami ring nainom si Ma'am Meagan," wika ng huli. Sandaling sinulyapan ako nito at agad na bumakas ang pag-aalala sa mukha marahil dahil sa dami ng nainom ko. "Maraming salamat po pala sa paglibre n'yo sa 'min," anito na hirap ko na ring maaninag pa.
Lalo akong kumapit sa braso ni Mikhail. Sa totoo lang kanina pa umiikot ang paningin ko dulot ng tama ng alcohol sa buong sistema ko.
Hindi ko na narinig at naintindihan pa ang sinabi ng ibang naroon. Bagkus ay tumango na lamang ako bilang pagpapaalam.
Kahit intoxicated, nagawa ko pang ipangako sa sariling huling beses ko na 'yon na gagawin. Sobrang sakit, at hirap ko ng maikilos ang mga
