JINZO

TRANCE

Pumasok muli ng bahay si Eli at Cyran. Hindi inakala ng binata na ito ng simula ng araw ng pagiging isang Jinzo niya. Pumasok ng kusina ang heneral habang ang binata naman ay umupo sa sofa at pinagmasdan niya muli ang berdeng kabayo sa lamesa. Bumilis ang t***k ng kanyang puso dahil nararamdaman niya ang takot. Buong buhay niya ay hindi niya naramdaman na may natatagong kapangyarihan sa sarili niya. Buong buhay niya ay akala niya ay isa siyang normal sa isang normal na buhay. Nagkataon na kabaligtaran pala ang lahat ng iyon.

Maya-maya pa ay nakita na niyang naglalakad ang heneral palapit sa kanya. Napansin niya na may hawak itong isang tennis ball sa kanyang kaliwang kamay.

Ibinigay ni Eli ang bola sa binata. “Ito ang gagawin mo sa maghapon.”

“Subukan mong palutangin ang bola na ‘yan