ZION
Pagkatapos magbihis ni Cyran ng kanyang uniporme ay agad siyang lumabas ng silid kasama si Heneral Torres. Napansin ng binata ang isa pang malaking silid sa kanyang unahan. Sa kanyang kanan ay isa pang pintuan patungo sa balkonahe habang sa kaliwa naman ay ang hagdan papunta sa baba. Dahan-dahan silang nagtungo rito. Gawa sa makintab na kahoy ang hagdan na kulay kayumanggi. Kumpara sa semento na nilakaran kanina ng binata mula sa kanyang silid ay napansin niyang hindi gaanong malamig ang tinatapakan niyang mga baitang. Kahit papaano ay puwede niyang masabi na may buhay pang natitira sa mga kahoy na ito. Posible kayang ganito rin ang pakiramdam niya kapag mahawakan niya ang tungkod ni Eli? May labing tatlong baitang ang hagdan at maya-maya pa ay nakarating sila sa dulo. Hanggang mapans
- Writer
