JINZO

MORDRED

Mahigit tatlong oras ang lumipas nang magawa ni Eli ang mga dapat niyang gawin. Ang una ay pinaliguan niya muna si Cyran. Pagkatapos ay nilinis naman niya ang sugat nito at nilagyan niya ito ng benda. Hinayaan niya munang magpahinga ang binata sa kanyang silid. Pangalawa ay nilinis naman niya ang banyo kung saan namatay ang matandang lalaki. Hindi ito naging ganoon kadali dahil sumaboy ang dugo nito sa iba’t ibang parte ng banyo maging sa kisame nito. Kinailangan niyang gumamit ng maraming sabon upang matanggal ang mga mantsa ng dugo. Pasalamat siya sa kanyang telekinesis  ay kahit papaano ay naging mas magaan ang kanyang trabaho. Pangatlo ay nilagay naman niya sa sako ang bangkay at naghukay siya nang malapit sa bakuran upang dito ito ilibing. Sinigurado niyang walang nakakita sa kanyang