Naiinis na hinilamos ni Alex ang mukha gamit ang isang palad nito. Ten days na ang nakalipas ay hindi pa rin makita ng mga tao na ni-hired niya upang hanapin ang asawa niya. Bilang na bilang niya ang bawat araw, oras, at minuto na dumadaan sa buhay niya na hindi kasama ang anak niya.
"Mayor, nandito po si Sir martin," narinig niya na wika ng secretary niya matapos na kumatok ng tatlong beses sa pinto ng opisina niya.
"Papasukin mo," sagot niya rito.
"You look so depressed, Alex." Bungad na sabi ng kaibigan niya sa kanya. Prenteng umupo ito sa mahabang sofa na naroon sa loob ng office of the mayor. "Wala pa bang balita sa 'yo ang mga private agent, tungkol sa mag-ina mo?" Tanong nito na pinag-krus pa ang dalawang hita.
"Wala, naiinip na nga ako. Ni isa sa mga 'yon hindi pa rin makapag
