Nang makarating sila sa sala ay kaagad na lumapit si Jhajha sa nakaupo sa sofa na si nana Lorna.
“Sorry po nana, iniwan po pala kayo ng asawa ko sa loob ng kotse,” aniya sa ginang.
Ginagap ng matanda ang isang kamay ni Jhajha. “Okay lang hija, alam ko naman kung gaano ka na-miss ng asawa mo. At lahat makakalimutan niyan para sa ‘yo,” sabi ni nana Lorna at sinabayan pa ng kindat kay Alex. “Ang mahalaga’y maayos na at nakapag-usap na kayong mag-asawa.”
“Maraming salamat po,” magalang na sagot ni Jhajha.
“Siya nga pala hija, hindi pa kumakain ang asawa mo, simula pa kahapon. Baka mahipan na ng hangin ‘yan at tuluyan ng mabaliw sa ‘yo,” biro na bulong ni nana Lorna sa kanya.
Ngumiti si Jhajha sa ginang. “Tara na po at hatid ko na po kayo sa guestroom, para maipagpatuloy n’yo po ang pagt
