Kabanata 61: Agony
Pavian’s POV
KINAGABIHAN ay nagpahatid na lang siya ng pagkain sa kaniyang silid sa isa nilang kasambahay at sinabihan din niya itong papuntahin sa silid si Chantal pagkatapos patulugin si Avia dahil mag-uusap silang dalawa. Parang hindi niya kayang ipagpabukas ang mga katanungan sa kaniyang isipan.
Nakaupo siya sa higaan nila habang hinihintay ito. Mga ilang minuto ang lumipas ay bumukas ang pintuan at saka pumasok do’n si Chantal pagkatapos ay isinarado. Lumapit ito sa kaniyang kinauupuan.
“Sweetie. . .” tawag nito sa kaniya at napabuntonghininga siya. “Akala ko’y hindi mo ‘ko matitiis–”
Pinutol niya ang sasabihin nito at saka tinitigan ito. “Sino si Sharon at ang ipinagbubuntis niyang kambal sa buhay ko? Bakit nila ako tinatawag ni Lola Lusing ng Pancho? Sino
