Kabanata 60: Pain
Sharon’s POV
SOBRANG durog na durog ang kaniyang puso habang punung-puno ng katanungan ang kambal tungkol sa kanilang ama. Hindi siya makapaniwala na maagang makikita ni Pancho o Pavian ang kambal. Talagang mapaglaro ang tadhana at nasasaktan siya dahil uhaw na uhaw ang mga kambal dito.
“Nanay, babalik po si Tatay tapos maalala niya na rin po kami ni Kuya?” tanong ni Kier at hinimas niya ang buhok nito. Kasalukuyan silang magkakatabi sa kaniyang kama at nakayakap sa kaniya ang kambal.
“Oo, Anak. Babalik din si Tatay at gagawin ko ang lahat para mangyari ‘yon,” sagot niya.
“Bakit may kasama po siyang ibang bata?” tanong naman ni Kiel at napabuntonghininga siya dahil bakas ang lungkot sa tinig nito. Matalino ang kambal at konting paliwanag lang ay naiintindihan na n
