Kabanata 49: Stalker
Sharon’s POV
NITONG mga nakalipas na araw ay tila may kakaiba siyang nararamdaman. Pakiramdam niya’y may nagmamanman sa kanilang kubol o guni-guni niya lang.
“Apo, kumain na rito. Ano ba’ng sinisilip-silip mo r’yan sa labas ng bintana? Nandito sa loob ng kubol ang maganda at nasa harapan mo pa nga,” pagtawag pansin sa kaniya ni Lola Lusing na may dala-dalang maliit na bilao na may may Palitaw na may mga nakabudbod na mga asukal at linga.
Natawa naman siya at umiling-iling. Wala lang siguro ‘yon at baka guni-guni lang niya.
“Kumakain na po ba si Estella?” tanong niya at sumunod na rin dito para makaupo sa silya sa tapat ng hapag-kainan.
“Naku! Oo naman, nasarapan siya sa ginawa nating Palitaw,” natatawang sagot nito.
“Lagi naman po ‘kong nasasarapan sa luto ni
