Kabanata 50: Farewell
SABADO at walang pasok si Pancho sa minahan kaya’t naiwan lamang si Lola Lusing sa kubol dahil namili sina Pancho at Sharon ng mga gamit sa bahay pati na rin ng dagdag na pagkain lalo na’t may abiso mula sa radyo na magkakaro’n nang malakas na pag-ulan.
“Mag-iingat kayo at kailangang nalilinisan ang kaniyang sugat,” paalala niya sa ginamot na binatilyo na mayro’ng sugat at tumango naman ito habang nakangiti.
“Maraming salamat po, Ka Lusing. Napakabuti niyo po at hinayaan niyo pong gamutin niyo kahit nagpapahinga na rin po kayo.”
“Naku! Hindi ka istorbo, Hijo. Hangad ko ang mabilis mong paggaling para naman hindi na maging sagabal ang sugat mo sa tuwing nagsusulat ka. Lagi mo lang lilinisan at gagamutin ang sugat mo para hindi magnaknak.”
“Pasensiya na po at kon
