Kabanata 51: Devastated
Sharon’s POV
MASAYANG lulan silang dalawa ni Pancho ng traysikel. Marami silang napamili kaya’t inabot na sila ng dapit-hapon. Sobrang natuwa sila sa pamimili at pamamasyal kaya naman halos gabihin na sila.
Napakunot ang noo niya nang makitang may nakaparadang sasakyan ng mga tanod ng kanilang baryo at may mga ilang opisyal na nakakalat sa paligid. Biglang nakaramdam siya nang hindi tama at lumakas ang kabog ng kaniyang dibdib.
Nang pumarada ang traysikel na kanilang sinasakyan at huminto ay mabilis siyang lumabas at lumapit sa mga tao na naroro’n. Nakapatay ang ilaw sa kubol ngunit naagaw ang atensyon niya sa may harang na nasa bandang lupa.
“Ano po’ng nangyari rito? Nasaan na ang Lola Lusing ko po pati na rin sina Estella at Madrid?” tanong niya at napaling
