Kabanata 52: Mourning
Sharon’s POV
NAPABALIKWAS ng bangon siya habang habol niya ang kaniyang hininga. Napanaginipan niya ang kaniyang Lola Lusing at hindi niya napigilang humikbi dahil sa kaniyang panaginip ay may sinasabi ito.
“Apo, huwag mong hahayaang makuha ng iba si Pancho. Ipaglaban ninyo ang isa’t-isa dahil kayo ang nakatadhana. Ingatan mo rin ang ‘yong sarili at huwag mo rin pababayaan ang kambal kong apo sa tuhod. Pasensiya na’t hindi ko matutupad ang mga naipangako ko sa ‘yo pero mahal na mahal kita kahit anumang mangyari,” usal nito habang nakayakap sa kaniyang likuran. “Oras na magkita kayo ng mga magulang mo’y hayaang mong maging masaya ang puso mo at sana’y tanggapin mo pa rin sila sa kabila ng mga nangyari. Isa pa’y mag-iingat ka sa babaeng may pagnanasa kay Pancho na ma
