Kabanata 41: Call
Sharon’s POV
MASAYA silang kumakain sa kanilang simpleng hapag-kainan at panay din ang pagkukwento nina Estella at Lola Lusing kay Boss Mindo. Naghanda sina Lola Lusing ng Kamotecue at Palabok lalo na’t ‘yon ang gustong-gustong kainin ni Estella kaya’t may nakatabi silang gano’ng pagkain at gusto rin naman niya ‘yon at mayro’n ding panulak na malamig na Calamansi Juice na hinaluan ng Honey.
“Boss Mindo, napakabuti talaga ng pamilya po ni Ate Sha at tinanggap nila kami ni Madrid at hindi itinuturing na iba. Napakaswerte rin namin na nakilala sila dahil hindi kami nalulungkot sa araw na araw na buhay,” pagkukwento ni Estella at tumango naman si Madrid.
Ngumiti naman si Boss Mindo. “Mahirap makakilala ng totoong tao na hinding-hindi ka ipagtatabuyan bagkus yayakapin ka p
