“ANAK, sigurado ka bang kaya mong lumuwas ng Maynila mag-isa? Bakit hindi ka magpasama sa Ate mo?”
Bumuntong-hininga ako at sandaling tinigil ang paglalagay ng mga damit sa aking traveling bag. Hinarap ko si Nanay na nakaupo sa gilid ng aking kama.
“Nay, magpapahatid naman po ako kay Noel,” paliwanag ko. “At ayaw kop o kayong maiwan ni Tatay nang walang kasama rito.”
Lumamlam ang mga mata ng aking ina at inabot ang aking kamay. “Nag-aalala lang ako, anak. Ewan ko ba. Simula nang iwan tayo ng kuya mo, pakiramdam ko naging paranoid na ako para sa inyong dalawa ni Natasha.” Hindi niya nagawang itago ang panggigilid ng kaniyang luha.
Parang may pumiga sa puso ko nang makita ang ekspresyon ng ina. Mabilis akong lumapit sa kaniya at binigyan siya ng mahigpit na yakap.
“Nay, don’t worry abou
