Chapter 29: Si Abby bilang si Abby part 2.
Tumingin ako sa kanya ng gulat at may ngiti sa aking mukha, dahil kilala ko na kung sino ang lalaking tinutukoy niya nang may labis na emosyon, at ang mga mata n'ya ay may ningning na hindi ko pa nakikita noon.
"Huwag mong sabihing gusto mo ang aking..." Bago pa lumabas ang salitang "pinsan" sa aking bibig, tumikhim siya habang nakatingin sa likuran ko, para bang ayaw niyang may makarinig sa sasabihin niya.
“Bakit hindi mo sinabi sa akin noon pa? Ang galing mong magtago, ha? Sandali... Hinalikan mo siya? Ano’ng nangyari?”
Tanong ko bago nagpakawala ng lihim na tawa, at namula nang husto ang kanyang mukha na parang kamatis.
Sa unang pagkakataon, nakita ko siyang sobrang nahihiya at walang masabing kahit anong kapilyahan. Parang nakatikim siya
