Hindi naman nagpahalata si Luissa na nagdududa parin siya kay Fabiano. Nagpasalamat na sana siya na sa pagsapit ng hapon hanggang sa gabi ay di umalis ito at nasa villa lang ito.
Subalit kinabukasan ay nagising siya sa ring ng cellphone nito habang magkayakap pa sila at di pa bumangon. Kumilos ito at bumangon at kinuha agad nito ang cellphone nito. Hindi naman siya nagpahalatang nagising na siya at nagpanggap lang siyang tulog pa.
Naramdaman niyang lumabas ito ng kanilang kuwarto at doon ito sa labas nakipag-usap sa kung sino mang tumawag rito. Kinabahan naman siya, naramdaman naman niyang may kakaiba talaga at parang may tinatago ito.
Nang magbalik ito sa loob ng kanilang kuwarto ay napapansin niyang balisa ito at tila hindi mapakali.
" Fabian? bakit?" Tanong naman niya rito.
"
