COLT
Ilang minuto na ang nakalipas sa amin at walang sino man sa kalaban namin ang sumusugod, nagtaka na kami. “Bakit hindi pa sila sumusugod?” bulong ko kay Jaus pero katulad niya at ni Lynx hindi namin maalis ang tingin namin sa mga ito dahil katulad kanina sumugod na lang ng hindi namin inaasahan ang mga kalaban kanina, maaring sila din.
“Hindi ko alam,” sagot ni Jaus. “Hindi ko pa sila nakikita dito kahit kailan,” bulong niya rin sa akin.
“So sinasabi mo bang baguhan sila dito?” tanong ko habang nanginginig na sa takot si Lynx sa likod ko, kaya patago ko itong kinalabit. “Baka gusto mong gamitin ‘yong binili mong skill kanina,” sabi ko sa kanya at mukhang napaisip din siya.
Maya-maya pa ay nawala na ang pagkanginig niya, kaya napalingon ako sa kanya ng mabilisan at nakita kong nagi
