“Blaire, anak?” Muling tawag ng ama ni Blaire sa kaniya habang patuloy na kumakatok.
Dahan-dahan niyang ibinaling ang tingin sa pintong kanina pa kinakatok ni Brandon. Ilang segundong nanatili siyang nakatingin doon. Ngunit nang hindi pa rin tumigil ang ama ay napilitan siyang bumangon. Walang buhay siyang tumayo sa kama saka tinungo ang pinto.
“Yes, Dad?” tanong niya sa ama. Tinakpan niya ang bibig at kunwa’y naghikab upang ipabatid sa taong kaharap na inaantok siya at gusto nang matulog.
“Alas otso y media pa lang ng gabi, anak. Alam kong hindi ka pa inaantok. Hinahanap ka na ng ibang bisita. Pinagbigyan ko ang kahilingan mo, kaya sana ay pagbigyan mo din ang hiling ko,” anito, nakikiusap ang mga mata.
Balak ng ama na gawing double celebration ang gaganaping party. Para sa birthd
