"Ekang, nakita mo ba iyong maliit na notebook na lagi kong dala?" Tanong ko sa kaibigan ko ng puntahan ko ito sa maids quarter kung saan ito natutulog.
Solo nito ang isang maliit na kwarto na tamang tama lang naman para dito.
"Gamit mo, sa akin mo hahanapin? Ano ako hanapan ng nawawalang gamit? Lost and found? Baliw ka talaga Sta. Maria. Baka sa susunod iyong boyfriend mo ng hilaw ang hanapin mo sa akin?" Talak nito. Sinimangutan ko siya.
"Alam mo, isa lang ang tanong ko. Isa lang din ang dapat na sagot mo. Oo o hindi lang. Dami mo pang sinabi. Sapingilin kita gusto mo? O baka gusto mong ipamulto kita kay Matet. Favorite ka pa namang asarin ng kapatid ko." Ito naman ang sumimangot.
"Ikaw rin ang dami mong sinabi. Mana lang ako sayo. Hindi ko nakita. Pero parang napansin ko kanina na Ha
