Brought to Life by Vengeance

Chapter 36.1

Sumabay si Rainsleth kina Jancy at Bea palabas ng mall matapos niyang tumulong sa pagsara ng shop. Nauna na sa kanila sina Karla at Sabby.

"Bakit nga pala ayaw mo kay Koen?" tanong sa kanya ni Jancy nang tumigil sila para humanap ng masasakyan. "Sorry, curious lang ako." Itinabi nito ang dalawang daliri sa mukha.

"Hindi naman sa ayaw. Ano lang kasi..." Himas-himas niya ang gilid ng kilay habang nag-iisip ng idadahilan. "Gusto ko munang kilalanin ang buong pagkatao niya. Iyon lang..." Napakibit-balikat siya.

Hanggang ngayon, hindi pa rin buo sa loob ni Rainsleth kung kaaway ba si Koen o kakampi. Masyado itong malihim kahit pa sinasagot naman nito ang bawat tanong niya. Pakiramdam niya laging may kulang. Laging may mali o taliwas sa sinasabi nito.

Kung ano-ano pang tanong ang ibinato sa