Sa last floor ng pinakamataas na gusali sa Stone city ay nakatayo si Onyx sa gilid ng bulletproof na bintana. Malayo ang kanyang tingin habang nakaharap sa asul na karagatan. Sa may ’di kalayuan ay natatanaw naman niya ang middle warf nila. Sa ganitong mga panahon ay sinasariwa niya noong kabataan pa niya. Kung saan halos lumagpas na sa langit ang kanyang mga pangarap. Pangarap na ’di kalaunan ay natupad din niya dahil sa labis na pagsisikap at determinasyon na lagpasan ang lahat ng pagsubok sa kanyang buhay. Hindi man naging madali ang journey niya na ’yon ay matindi pa rin siyang kumapit—nagbunga naman nang maganda. Ngunit naiiba na ang takbo ng panahon sa kanya ngayon. Hanggang ngayon ay hindi pa rin siya makapaniwalang sa rami ng kanyang pera at koneksyon ay hindi pa niya nahahanap ang
