Mc Ashley point of view:
Magmula sa palengke kanina ay hindi na nahinto ang kapatid ko sa pag ngisi sa akin sa tuwing napapatingin ako sa kaniya. Gusto ko siyang pagalitan ngunit ayokong isipin ni papa na nag-aaway kami kaya naman nilalakhan ko na lamang siya ng mata sa tuwing mang-aasar ito.
Hanggang sa makauwi kami ng bahay ay hindi ako tinantanan ng pang-aasar ni Erika sa hindi malamang dahilan. Maging ang aking mga magulang ay nagtataka na rin sa mga ginagawa niya.
“Ano bang nangyayari niyong dalawa?” tanong sa akin ni mama habang hinuhugasan ang pinamili naming mga gulay upang malinis na mailagay sa refrigerator.
“Ewan ko diyan kanina pa,” salubong ang kilay na sagot ko sa kaniya.
“Bakit tumatawa lang naman ako ah?” tumatawang sabi naman ng kapatid ko at sinamaan ko naman siya
