Kinabukasan ay sinadya kong patayin ang aking alarm kung kaya naman ay tanghali na ako nagising. Kahapon pa lang pagkauwi ko ay desidido na akong hindi pumasok ngayong araw. Wala namang magagawa si Kuya Dave kung hindi ako ngayon magpakita sa clinic. Hindi niya rin ako pwedeng pagalitan. Perks of being co-owner ng isang negosyo. Hindi mo kailangang obligahin ang iyong sarili para lang magkaroon ng sweldo. Matapos kusutin ang mga mata ay hinagilap ko na ang cellphone. Binuhay ang screen noon upang tingnan ang oras ngunit agad lang din akong napapikit nang dahil sa nakakasilaw na liwanag ng screen. Hindi na ako nagtaka ng ni isa ay walang message sa akin si Kuya Dave. Mukha yatang inaasahan niya ng hindi ako magpapakita ngayon sa clinic.
Mabuti naman kung ganun, hindi ko na kailangang magp
