“Kayo po ba ang pamilya ni Mang Eddie? Sige po, tuloy po kayo,” bungad ni Meredith sa isang may katandaan nang babae at may kasama itong nasa labing-anim na taong gulang na babae.
Tumango ang nakakatandang babae at pagkatapos ay pumasok na sila.
Ika-19 na ng Pebrero at ngayon ang ika-31 kaarawan ni Eros. May mga bisita na ang dumating ngunit kaunti lamang dahil ang mga pamilya lamang ito ng guards ng mansion.
“I told you to just stay inside,” Eros said while smiling. Napalingon naman kaagad si Meredith at nakita niya ang birthday boy na nakasuot ng kulay pulang Lacoste collared polo. “Puwede mo naman silang kausapin once na makapasok na sila.”
Agad na napaakbay si Eros kay Meredith nang makalapit siya samantalang ipinalibot naman ni Meredith ang mga braso nito sa kaniyang baywang.
“Ma
