Agad na bumaba ng sasakyan si Meredith nang makarating siya sa kanila. Bahagyang natuyo na ang kaniyang suot kaya naman pinagpagan na lang niya ang kaniyang sarili bago buksan ang pinto.
Nang mabuksan na niya ito, bumungad sa kaniya ang kaniyang ina na nakaupo, nakatitig sa kaniya at walang emosyong makikita.
“Nay!” wika ni Meredith at humakbang palapit sa kaniyang nanay para yakapin. Ngunit, bago pa man siya makalapit sa kaniyang nanay, tumayo ito sinalubong siya ng sampal.
Isang malutong at malakas na sampal.
Napahawak siya sa kaniyang mukha dahil sa sakit at nanginginig ang kaniyang bibig habang maluhang tinititigan ang kaniyang ina.
“Bakit?” tanong nito at sinundan iyon ng pagbagsak ng kaniyang luha.
“Alam ko na ang totoo,” seryosong saad ng nanay niya na ikinalaki ng kaniyang ma
