Nagmamadaling bumaba si Meredith at nagkatitigan pa sila ni Elton na nakaupo sa sofa habang may pinapanood sa kaniyang cellphone.
Hinahabol ni Meredith ang kaniyang hininga nang lagpasan niya si Elton at itong si Elton naman ay narinig ang mga hangos na iyon kaya sinundan niya ng tingin ang tumatakbong si Meredith.
Nasa labas na si Meredith at may kadiliman na. Agad siyang nagtungo sa quarter ni Mang Eddie at mabuti na lang dahil naroon iyon.
“Bakit Ma’am?” Tumayo si Mang Eddie at kahit siya ay napansin ang pagkabalisa ni Meredith.
“Mang Eddie, puwede niyo ho ba akong ihatid sa amin?” tanong ni Meredith. Nanginginig ang kamay niya. “May importanteng sasabihin daw sa akin si Nanay tungkol sa kondisyon ni Kuya. Kinakabahan ako.”
“Oh, sige po, Ma’am. Hihingin ko lang ang susi ng isang
