Sa isang cozy restaurant niya dinala si Joy para kumain, malapit lang din ito sa hospital na kinaroroonan ng tatay niya. Kahit tapos na siyang kumain kanina kasama si Dr. Chan ay kumain pa rin siya para ganahan ang kaibigan. Sa isang linggo na hindi niya nakita si Joy napakalaki na ang pangayayat nito. Nagmukha tuloy itong mas matanda kesa sa age niya.
Habang kumakain ay nagkwento si Joy tungkol sa buhay nila, mula sa pagkalugi ng negosyo ng pamilya nila na naging sanhi ng pagkakasakit ng kanyang ama hanggang sa mawala lahat ang mga ari ariang naipundar ng kanyang pamilya. Tatlo silang magkakapatid ngunit may kanya kanya na ring mga pamilya ang kanyang dalawang kapatid kung kayat siya ang lubos na nagsasakripisyo para sa kanilang mga magulang. Ang ina naman nito ay nagbago, mula sa mapagm
