Nagising si Elena sa mga huni ng ibon. Napangiti siya. Isa ito sa magagandang lugar na napuntahan at natulugan niya.
Nilingon niya ang binatang mahimbing na natutulog. Magulo ang malalambot na buhok nito at mahinang humihilik.
Lumapit siya at dinampian ng halik ang tungki ng ilong ng binata. Papasikat na ang araw at nais niyang makita ang tanawin.
Pagkatapos nilang dalawin ang kaibigan ay nag-aya itong pumunta sa Sagada. Linggo na at tinatamad itong pumasok sa trabaho. Gusto nitong magbakasyon kaya pinagbigyan na niya ito.
Matagal silang nakatulog dahil sa dami ng pinagkwentuhan nila. Madalas ay tungkol sa buhay ng isa't-isa bago pa sila magkakilala at dahil sa mga nalaman ay mas lalo niyang naintindihan ang binata.
"Paul." Mahina niyang tawag sa binata ngunit ayaw nitong imulat
