"Mamamatay? Sino po, Kuya Berto?"
"Ha? Ah, ano...Wala, Elena."
Tumayo ito at humarap sa kanya. Pawis na pawis na naman ito. Palipat-lipat ang tingin nito sa kamay at sa guro.
"Kuya Berto, ano po ba ang problema?" Hinawakan niya ang magkabilang balikat ni Berto at nagulat siya dahil sobra ang panginginig nito.
"Kuya Berto, umamin nga kayo sa'kin." Matapang na tanong niya. Ano ba ang problema nito?
"Umamin? Bakit ako aamin? Hindi ako aamin dahil wala akong kasalanan! Wala akong kasalanan!" Hindi na ito mapirme at nang muli niyang hawakan ay tumakbo ito palabas. Sinundan niya ito sa hallway ngunit paglabas niya ay wala na ito. Napakamot na lamang siya sa ulo.
Tumalikod siya at nagpasyang bumalik na lamang sa silid ni Mike at doon na lang hintayin ang nobyo. Nagulat pa siya nang makapa
