Malawak at malaki ang pagtatayuan ng subdivision. Sobrang lawak niyon na akala ko ay kailangan ko pang maglakad nang malayo papunta sa gitna para tanawin ang buong lupain. And yet, hindi ko pa rin pala iyon matatanaw nang buo, kaunti pa rin ang maaabot ng mga mata ko.
Mainit. Sobrang mainit kahit na alas nueve pa lang ng umaga. Ano pa bang aasahan ko samantalang nandito kami sa Pasig? Hindi pa nakatulong na mahangin kaya hindi lang mainit, sobrang maalikabok pa at kanina pa ako inuubo.
Marami ring mga nakatambak na mga kakailanganin sa construction. May mga sasakyang gagamitin at kung ano-ano na talagang makikita sa ganitong uri ng lugar. Ilang tambak ng buhangin at graba ang nasa paligid. Parang maliliit na burol ang mga iyon.
Katatapos lang ng pasinaya sa lugar at mamayang tanghali
