"Congratulations sa atin!"
"Yey! Tapos na! Congratulations sa ating lahat!"
Tuwang-tuwang napapalakpak ako nang marinig ang mga bati mula sa mga nasa team ko. Katatapos lang naming matapos ang shoot na para sa isang product mula sa S Cosmetics.
"Mabuti naman at natapos na tayo. Akala ko talaga ay aabutin tayo hanggang bukas," natatawang sabi ni Simon.
Tumango ako at masayang pinanood ang pagliligpit ng mga staff. Nasa isa kaming studio at katatapos lang sa shoot ng bagong product ng S Cosmetics. Sa isang linggo ang launching niyon kaya at sobrang ikli lang din ng panahon na ibinigay sa amin dahil biglaan lang iyon.
Road accepted the request dahil kaibigan n'ya ang ka-partner ni Sofia sa S Cosmetics at personal itong nag-request sa lalaki. Okay lang din naman sa akin dahil kaibigan ko
