Kararating lang namin mula sa azucarera ng mga Laurente nang salubungin na ako nina Letti. Hindi naman kami nagtagal doon ng aking ama. Dalawang oras lang yata katulad ng ipinangako n'ya kina Lolo.
Gumala lang kami at ipinakilala ako sa kanyang pamilya. Iilan naman kasi ang mga Laurente sa mansyon nila. Hindi katulad ng mga Castro na sama-sama sa mansyon.
Kaya kahit paano ay masaya na ako roon. Hindi naman nagpakita sa akin ng hindi maganda ang mga nakilala ko sa kabilang mansyon. At hanggang ngayon nga ay hindi pa rin ako makapaniwala na tinanggap talaga nila ako nang ganoon.
Nangako akong babalik ako roon bukas at baka mas magtagal ng kalahating araw dahil ipapakilala raw ako sa iba pang miyembro ng pamilya ng mga Laurente.
Pumayag na rin ako dahil iyon ang gusto ng aking ama. Pe
