Nasa harap si Mardy ng salamin. Nakatitig sa sariling repleksyon habang nasa harapan niya ang mga make up at pampaganda na binili ni Val kanina. Pagkagaling sa paghatid kay Harry sa school ay saktong tumawag ang babae na kung pwede daw ay magkita sila sa Vista Mall kung saan din sila unang nagkita dati. At dahil ayaw niyang tanggihan ang babae ay pumunta nga siya sa store nito. Pagdating doon ay hindi ito nag-iisa dahil may kasama itong isang babae. Mestisa, matangkad modelo type at sobrang ganda. Maganda din ang hugis puso nitong mukha na nababagayan ng blonde nitong buhok. Hindi nga niya inakalang may asawa at anak na ang babae dahil mukhang hindi ito nanganak. Ang babaeng iyon pala ay si Abby El Cuego. Asawa ng isa sa mga kaibigan ni Gunter at Miguel na naging kaibigan na din ni Val. Na
