Matapos niyang isalansan lahat ng pinamili niya kanina sa grocery ay naisipan niyang maglinis. Hindi na talag siya sanay na walang ginagawa dahil nasanay na siyang maraming raket sa araw-araw. Ayaw naman siyang paalisin ni Gunter sa bahay para magtrabaho dahil ang rason nito ay nabibili naman daw nito ang lahat at kaya nitong ibigay ang lahat ng kailangan niya. Noong una ay ayaw niya pumayag ngunit ngayon na nandito na si Harry ay gusto niyang alagaan ang bata. Samantalang si Gunter ay hindi niya alam kung nasaan dahil nang dumating ang pinamili niya ay dumeretso na siya sa kusina. Siguro ay bumalik na ito sa opisina dahil palagi naman itong nagmamadali nitong mga nakaraang araw. Nagkukuskos siya ng tiles sa lababo ng may biglang nagsalita sa gilid niya. Bahagya pa siyang napaigtad sa gula
