Chapter 35
“At sino naman ang nagsabing binobola kita?” seryosong tanong ni Third kay Selestina. Umayos ng upo ang binata at seryoso itong tumingin sa dalaga. “Kahit nga si River ay nagsabing maganda ka.”
“Kailan?” interesadong tanong ni Sel.
“Noon,” deretsong sagot ng binata.
Napangiwi si Selestina. “Hindi ako ‘yon,” irita niyang sagot. “Ibang tao ang tinutukoy mo,” malamig niyang usal.
“Seriously, you are pretty, Sel.”
Napalunok si Selestina. Parang hinagod ng malambot na kamay ang kanyang puso. Bumuntong hininga siya bago nag-iwas ng tingin. “Hindi ako si Celestine,” mariin niyang wika bago lumayo sa binata.
Kinuha niya ang sariling cellphone at nagpadala ng text kay Jordan. Nag-reply ito kaagad at sinabing may activity silang ginawa. Kaagad na tinapunan ni Selestina nang mas
