“Nahanap na tayo.”
Pagkasabi ni Kleo, lumabas agad si Khalid sa terrace.
“Saan?”
Itinuro niya ang bahagi ng tree line sa bandang south perimeter. “Doon.”
Sumilip si Khalid.
Wala na ang sasakyan.
Pero hindi ibig sabihin no’n, wala talagang dumaan.
Tahimik siya nang ilang segundo.
Then, “Sigurado ka?”
“Kuya,” sabi ni Kleo, hindi inaalis ang tingin sa labas, “hindi ako nababaliw. Black SUV. Walang markings. Huminto saglit. Masyadong malayo para sa drop-off, masyadong malapit para sa maling liko.”
“Baka security?”
“Hindi ganyan gumalaw ang in-house security. At hindi rin sila titigil sa blind angle.”
Humigpit ang panga ni Khalid.
“Inside,” sabi niya.
“Excuse me?”
“Inside, Kleo.”
Umikot siya paharap. “Huwag mo ’kong utusan.”
“Huwag mo rin akong bigyan ng dahilan para sumigaw.”
