Marikit
Hindi na kinaya ng puso ko kaya napatakbo na lang ako sa itaas ng aking kwarto pagkatapos kong ipagtabuyan si Macky. Pinatigil ko na ang panliligaw nya sa akin.
Pinatigil ko na sya dahil nakapili na ako! Buo na ang desisyon ko, na ang Prinsepe ang pinipili ko!
Padabog kong ibinagsak ang pinto ng kwarto ko. Sumalampak ako sa aking kama at doon ko ibinuhos ang lahat ng bigat na nadarama ko. Ang sakit sakit! Hindi ko maipaliwanag kung gaano kasakit.
Gusto ko si Macky! Mahal ko si Macky, pero mas gustong piliin ng utak ko si Charlie. Kitang kita ko na may namuong luha sa gilid ng mga mata nya. Damang dama ko na nasaktan ko sya. At sobrang bigat nito sa puso ko. Sobrang hirap pumili sa pagitan ng taong mahal ko at nang taong pangarap ko.
Lalo kong nilubog ang aking mukha sa
