"ARE you ready?" tanong ni Kuya Enrique nang maisuot ko na ang seatbelt. Maliit akong ngumiti at marahan na tumango sa kanya.
Nag-alis na siya ng atensiyon sa akin at itinuon ito sa harapan ng kotse niya. Tuluyan na niyang binuhay ang makina ng sasakyan at umusad na.
Nagbuga ako ng malalim na hininga at isinandal ang sarili sa kinauupuan. Nagpangalumbaba ako bago nagbaling ng tingin sa labas ng bintana.
Ngayong araw na namin napagpasyahang magtungo sa isang trip matapos na pag-usapan ito kahapon nang nasa Antipolo pa kami. Sa totoo lang, pareho kaming walang ideya kung saan unang pupunta. Kaya kahapon, nagtanong ako sa mga lolo't lola ni Kuya Yohann kung anong lugar ang magandang pasyalan sa Antipolo at iba pang bahagi ng Rizal.
Una naming pupuntahan ay ang isang kainan sa Antipolo. It
